راز پرده نهان

كتێبی ژیان و بیرەوەرییەكانی تاڵەبانی، بە ناوی (پاش 60 ساڵ، ژیان و بیرەوەری جەلال تاڵەبانی) كە بۆیەكەمجار لە ساڵی 2009 لە پێشانگایەكی  نێودەوڵەتی خرایە ڕوو، بڕیارە لەم هەفتەیەدا بە هەردوو زمانی كوردی و عەرەبی بڵاوبكرێتەوە 

لە بەرگی یەكەمدا كە بەزمانی ئینگلیزی چاپكراوە ، لە پێشەكی كتیبەكەدا ئاماژە بۆ ئەوەكراوە : تاڵەبانی لەبەر زۆربەرژەوەندی وڵاتەكەی زۆرجار نەك هەر لە دوژمنەكانی خۆش دەبوو بەڵكو ئامادەی كاركردن بوو لەگەڵیان

نووسەری كتێب ، عیرفانی قانعی فەرد لە نووسینەوەی ئەو كتێبە ئاماژە بۆ ئەوەدەكات بۆ چەندپرسیارێك ڕووی كردۆتە مەسعود بارزانی ، مەسعوود بارزانیش پێوتووە ئەوەی كە ڕاستە، بینووسە و ترست لە كەس نەبێت. 

نوسەر ئاماژەی بۆئەوەكردووە ، بە تەواوی سەربەخۆیی لە كار و ئازادی لە نووسین و ڵێكۆڵینەوەدا هەبووە. تەنیا پرۆسەی چاپی كتێبەكە مام جەلال قسەی تێداكردووە ،  بچووكترین دەستوەردانیان لە بواری لێكۆڵینەوە و شێوازی نووسینەوەی ئەو كتێبە  نەبووە.

دكتۆر كەمال، سەرپەرشتیاری كتێبەكە، یەكێكە لەو كەسانەی پێشەكییەكی بۆ كتێبەكە نووسیوە، باس لەوە دەكات كە ناوەڕۆكی كتێبەكە ژیان و بیرەوەری تاڵەبانییە لە ساڵانی 1940ـ 2005، ئەوەش دەخاتە ڕوو كە ئامادەكار بۆ بەرگی یەكەمی كتێبەكەی، 17 وڵاتی جیهان گەڕاوە‌ كە «149 كەس لە هاوڕێیان، كەسوكار و خزمان، دۆست و نەیارە حیزبییەكان، 91 كەسایەتیی سیاسیی بەناوبانگی جیهانیی هاوچەرخ، 189 ڕووناكبیر، مامۆستایانی زانكۆ و ڕۆژنامەنووسان»، لەو بارەیەوە ڕووانگەیان وەرگیراوە.

لەبەرگی یەكەمی كە بەزمانی ئینگلیزی دەرچووە و جوناتان راندڵ پێشەكی بۆ نووسیوە، ڕاندڵ دەلێت: تاڵەبانی لە تەمەنی گەنجێتیەوە و كەوتنە سەر پێی لە قوتابخانەی نەتەوەگەری و كێبركێ لەگەڵ بارزانی كە سەرچاوەی ناسیۆنالیزمی نەتەوەی كوردبوو 

ڕوناڵد ئەوەشی ئاشكرا كردووە : كوردزمانێك پێش 2003 دەیتوانی ئەو ئاواتەی هەبێت كە ڕۆژێك مام جەلال لە سەر كورسی سەرۆككۆماری عیراق دانیشێت ؟ ئایا كەسێك ئەیتوانی باوەڕ بەوە بكات كە تاڵەبانی لە بەر خاتری بەرژەوەندییەكانی وڵاتەكەی زۆرجار نەك هەر لە دوژمنەكانی خۆش دەبوو بەڵكو ئامادەی كاركردن بوو لەگەڵیان؟